Nöis


07.05.2017

 

Einisch meh hei mer e wonderbari GV chönne dörefüehre ond starte weder mit vollem Elan is nöchschte Vereinsjohr. See you :-)

Däni hed üse Special-Pris verdient.

 Ihsatz-Pris före bescheiden Ueli :)



12.03.2017

 

Do üse Ski- und Schneetag wortwörtlich is Wasser gheit esch und wäg de chline Teilnähmerzahl hei mer üs höt ufe Wäg rechtig Burgrain gmacht. Det hei mer zäme es superfeins Buurezmorge chönne gniesse und de s'ideale Jasswätter no flissig usgnötzt.. Merci dere Truppe wos sich hed chönne ihrechte und üse "Schneetag" trotzdem realisiert he.. ;-D


10.12.2016

 

Gester esch üse alljährlechi Chloushöck ufem Programm gstande. Imne gmüetliche Rahme hei mer dä i de Lokalitäte vo de WG Willisau Tag & Nacht dörfe dörefühere. (Merci) I üsere Rondi hei mer no zwöi spontani Bsuecher ufgnoh und derewäg es Fäscht gha.. E chlini Horde hed sich de schlussemänd no rechtig altes Sport Rock gmacht und de Obe lo usklinge.


18.09.2016

 

Höt esch üsi Vereinsreis ufem Programm gstande. Gstartet hed die wie üblich im Sport Rock bevor mer üs denn ufe turbulänti Wäg gmacht hei. Mer hei vorgha s'Ämmital unsicher z'mache und so esch es cho dass mer im Rössli z'Zollbrück glandet se, womer superfein gässe hei ond ahschliessend d'Jassfrönde-Chegu-Olympiade ustreit worde esch. Nocheme spannende Renne hei sich schlussändlich de Fränz (3.), d'Andi (2.) und de Ueli (1.) chönne behaupte. Wöu's üs im Rössli so guet gfalle hed, hei mer chorzerhand beschlosse, dass mer doch de Räscht vom Tagesprogramm dör'ne gmüetlichi Jassronde döi ersetze. Mer hei e super glongne Vereinsusflog zäme verbrocht und fröie üs bereits uf's nöchscht Johr. (S'Ämmtial cha jetzt öbrigens weder beruhigt und sicher uf d'Stross ;-))


19.08.2016

 

Mer hei's üs ned loh näh am Donnschtig-Jass debi z'si. So esch e Chliformation-Jassfrönde gmüetlich de lieb lang Obe vorem Adler ghöcklet und hed s'Gschehe im Städtli z'Willisau flissig beobachtet. Trotz Seichwätter hei mer üs d'Stimmig ned lo vermiise und die tolli Atmosphäre chönne gniesse, ghoue oder gstoche!


26.06.2016

 

Höt hei mer chönne üses JF-Brötle (Ueli = Grillieren) i de Chinesehötte z'Hergiswil dörefüehre ond hei üs öber Bsüechli vo üse Gönner dörfe fröie. S'Wätter hed gröschteteils mitgspöut, so dass mer's üs dosse hei chönne gmüetlich mache. Ou no es danke a «Schlompf» för die supergueti Quarktorte. Schön esch gseh, bis zum nächste mou.


12.06.2016

 

Do's de Petrus im Momänt ned so guet mit üs meint und sich das gruusige Wätter perfekt zum Jasse eignet, hei mer spontan en Absacker ih d'Lushütte gmacht, zom luege wie sich üsi Jasi und Scheri afe so ihgläbt hei uf de Alp. Mer hei auso de ganz Sonntig ned vöu anders gmacht als gässe, gjasset und käfelet, herrlich. Merci füre Service, bes gli weder mou :D


02.05.2016

 

Gester hei mer offiziell üsi 1. GV i de Lusütte döregfühert. Mer hei weder einisch meh e wonderbare Tag zäme verbrocht, einzig s'Wätter hed ned ganz wöue mitspele. So esch's cho dass mer de doch d'Allrad-Autos hei müesse vörenäh, dass  mer de öberhoupt bes ufe cho si.. Mer hei vöu nöis vernoh, guet gässe ond öpe de eint oder ander 2-Fränkler lo legge. Was üs bsonders gfröit hed, esch das mer ganzi 7 Neumitglieder hei döffe ufnäh. Ufem Foti gsäit ehr vo links Daniela Ambühl, Ueli Roos, Marina Zihlmann ond de Sandro Müller. Leider fähle ufem Foti de Jeremias Kunz, Jan Nyffenegger ond de Florian Wigger. Schön sit der bi üs & ou öich allzit wiiterhe guet Jass!


01.05.2016 Üsi Spezial-Prise ah de dasjährige GV:

D'Scheri zeigt immer volle Ihsatz före Verein. So hed sie ah de Gröndigsversammlig den chorzerhand e Osterglocke gschnouset för'ne Blaue ih d'Vereinskasse. Ehrem mage esch das aber weniger guet becho.

Üse Franz tuet för s'Läbe gärn Wäsche ond hed sis JF-Tischi so vöu ah, dasses sicher immer denn i de Wösch esch, wenn grad e Vereinsahlass ofem Programm stoht.

Schlofe esch för Ahfänger fend üsi Desy, so chont's das si öpe mou am Sonntig am liebschte diräkt vom Usgang ah üsne Ahläss teilnehmt. Esch ame e zäächi Sach bes de de Chopf ihgseht, dass es churzes Power-Napping velecht ned s'dömmscht wär.



16.04.2016

 

Höt hei mer wie alle Jahre wieder am Volleyballplauschturnier z'Hergiswil döffe teilnäh. Met vöu Motivation ond Improvisation hei mer volle Ihsatz zeigt. De Plausch esch definitiv ned z'chorz cho ond schlussändlich hei mer üs de sogar de 6. Rang erkämpft. Danke allne wo debi gseh send för's Mitspele und scho vöu Fröid uf nöchscht Johr! ;)


27.03.2016

 

Mer hei am Mittwoch ond höt am Ostersonntig weder mou es genials Plauschjasse döregfüehrt. Zäme hei mer flissig d'Jasskasse vollgstopft und vöu mänge Seich gschnorret. S'Sport Rock hed üs weder einisch meh super bewirtet. A dere Stöu esches noche aune spontaneJasser wo am Mittwoch oder Sonntig debi gseh sei z'danke. Merci tussig, hed fröid gmacht. Bis zum nöchschte Mou!


21.02.2016

 

Bi herrlechschtem Bärgwätter hei mer üse Vereinsusflog im Söreberg chönne dörefüere. Mer hei üs ufe Wäg i d'Rossweid gmacht, guet gässe, de natürlich s'eint oder ander Jässli klopfet und chli gscheret. Mit em Schlitte sei mer de weder hei zue, miteme chorze Absacker im Tschudi-Hui. Abgschlosse hemer dä grandios Tag natürli weder mou im Sport Rock.


14.02.2016

 

Es geht doch nüd schöners als am Valentinstag mit de Beschte eis go z'jässle is Sport Rock. I dem Sinn mäude sich d'Jassfrönde vo de Fasnachtspause zrugg. De eint oder ander hed öppe no es Wehwehli aber sowiit si mer parat und fröie üs scho rüüdig uf de Vereinsusflog i Sörebärg am nöchschte Wochenänd :))))


08.01.2016

 

Üse Plouschjass vo gester Obe em Sport Rock esch voll usgnötzt worde ond mer hei weder vöu nöii sowie bereits bekannti Gsichter döffe begrüesse. Vele Dank a öich alli wo a dene zwe Täg mit üs send cho jasse ond cho gmüetlich ha. Esch super gse met öich! I dem Senn immer witerhe ghoue oder gstoche :-P


03.01.2016

 

Üse 1schti Plouschjass esch e super Erfolg gseh. Mer hei 12 jassfröidigi Lüüt im Sport Rock dörfe begrüesse, was üs riesig gfröit hed. Hoffe mer chöi baud weder mou  mit öich es Jässli chlopfe. A dere Stöu ou weder mou es grosses Dankeschön as Sport Rock - Team. Am 07.01.2016 fendet öbrigens nomou e Plouschjass am 19.30 im Sport Rock statt. ;))


28.11.2015

 

D'Desy hed, muetig wie sie esch, d'Jassfrönde zom'ne Raclette-Obe ihglade. Üsi männleche Vereinsmetgleder hei sich die Chance lo entgoh ond so esch de dä Raclette-Obe sponntan zum Fraueobe worde. A dere Stöu nomou es riise Dankeschöön a d'Desy ond ehres Mami, esch perfekt gseh, emmer weder gärn ;D



19.11.2015

 

Fascht die ganz Bandi esch em Sport Rock zämecho. D'Jasskasse esch weder mou gföut worde, denn wo's Gwönner geht, geht's ou Verlürer ;) Bsonders d'Renee ond de Fäbu hend a dem Obe müesse ihstecke. Mer hei weder mou e glonge Obe zäme verbrocht ond s' Sport Rock Team esch bemüeht gse, dass mer ned verdorschtet si, grazie!



25. 10. 2015

 

Zom Alpsaison-Abschluss hei mer's weder mou id Lushötte ue gschafft ond bim Jasse weder alles gäh. Leider send ned alli Gröndigsmetgleder debi gseh aber es se alli guet verträte worde. Mer fröied üs bereits druf, wenn mer nöchscht Johr bim Saisonstart üsi Generalversammlig weder i de Lushötte döfed abhalte :)