Öber üs
2023: v. l. Luzia Kurmann, Adriana Hügi, Arlette Achermann, Max Heller, Petra Kurmann, Marco Hügi, Désirée Hochuli, Stefanie Häfliger, Sabrina Eggenschwiler, Ivan Krstanovic, Marina Zihlmann, Marco Keller, Stefanie Dommen, Ueli Roos, Andrea Ambühl und Franz Achermann
Gschecht / Zwäck
Im Johr 2015 hed sich de Salamander- und de Köbikösser-Verein regelmässig zum gmeinsame Jasse troffe. Spötischtens nochdem dass mer zäme am Volleyball-Plouschturnier teilgnoh hei, esch e Fusion beschlosse worde. So esch es cho, dass am 3. Mai 2015 d'Gründigsversammlig vo de Jassfrönde Hinterland i de Lushötte z'Wase im Ämmital stattgfonde hed. Set dem dient üse Verein de aktive Förderig vo de schwizer Jasskultur, vom Bruchtum und de Tradition. Natürlich darf ou de Spass bi de ganz Sach ned z'chorz cho.
Wössenswärtes
|
momentani Aktivmitglieder: |
22 Jasser/inne |
| reguläre Probelokale: | Sport Rock, Willisau / Krone94, Willisau |
|
ahgseit wird mit em: |
Schöutebanner |
|
d'Verlürer spände id'Jasskasse: |
2-Fränkler |
|
bi Unstimmigkeite göutet: |
Jassregelwerk uf www.jassen.ch |
|
abgstomme wird mit: |
Ellbogenerhebe |
|
immer nochem Motto: |
ghoue oder gstoche! |
Wetsch ou debi si?
Wenn du ou gärn mou e Jass chlopfisch und spontan för jede Gspass z'ha besch, mäudsch di doch eifach bi üs. Das chasch du via Kontaktformular uf de Homepage, per Facebook oder diräkt a info@jf-h.ch mache. Am eifachschte esch es natürlich wenn du dich grad persönlich bimne Mitgled mäudisch oder eifach mou bim Jasse dezuehocksch. Zwöschedöre gehts öpe mou es Probejasse för alli potenzielle Nöimitgleder - also bi Inträssi ungeniert froge.
